पिंपरी : अल्पवयीन मुलीवर घरी नेऊन लैंगिक अत्याचार केला. तसेच, आरोपीने मुलीला नशाकारक इंजेक्शन देत, तिच्या वडिलांना जिवंत न सोडण्याची धमकी दिली. ही घटना मुळशी तालुक्यातील भुकूम येथे घडली. समीर विजय भालेराव ऊर्फ डॉनी सिंग (वय २८) असे गुन्हा दाखल झालेल्या आरोपीचे नाव आहे.

याप्रकरणी पीडित मुलीने हिंजवडी पोलिस ठाण्यात फिर्याद दिली. आरोपी समीर याने मुलीच्या घरी येऊन तिच्या लहान भावाला धमकावले व फिर्यादीसह तिच्या भावाला त्याच्या घरी नेले. तिथे त्याने फिर्यादीवर लैंगिक अत्याचार केला. तिला नशाकारक इंजेक्शन देऊन घराबाहेर पडण्यास अटकाव केला. फिर्यादीला मारहाण करीत तिच्या वडिलांना जिवंत न सोडण्याची धमकी दिली.