पिंपरी : पिंपरी-चिंचवड शहरातील बहुसंख्य परप्रांतीय मजूर, स्थलांतरीत कामगार, विद्यार्थी, भाविक यांना रेल्वेने त्यांच्या मूळगावी पाठविले जात असल्याने वल्लभनगर एसटी स्थानकावरील ताण बराचसा कमी झाला आहे. या शिवाय पोलिसांच्या मागणीनुसार, परप्रांतीयांना रेल्वेने पाठविण्यासाठी पुणे रेल्वे स्थानक आणि उरुळी कांचन रेल्वे स्थानकापर्यंत एसटीसेवा पुरविली जात आहे. 

ताज्या बातम्यांसाठी डाऊनलोड करा ई-सकाळचे ऍप

मागील दोन आठवड्यांपासून अधिक काळांपासून वल्लभनगर येथील एसटी आगारामधून मध्य प्रदेश, छत्तीसगड, कर्नाटक राज्यांतील मजूरांना राज्याच्या सीमेपर्यंत एसटीने पाठविले जात आहे. आतापर्यंत एसटीने सुमारे दोन हजारांहून अधिक परप्रांतीय लोक मूळगावी रवाना झाले आहेत. अजूनही लोकांना एसटीने पाठविले जात आहे. परंतु, बहुसंख्य लोकांची रेल्वेने पाठवणी केली जात असल्याने एसटीवरील भार कमी झाला आहे. 

पिंपरी चिंचवडच्या बातम्या वाचण्यासाठी येथे ► क्लिक करा

पुण्याच्या बातम्या वाचण्यासाठी येथे ► क्लिक करा 

वल्लभनगर एसटी आगार व्यवस्थापक सुनील हिवाळे यांनीही त्याला दुजोरा दिला. ते म्हणाले, "शनिवारी एसटी आगारामधून केवळ छत्तीसगडसाठी गाडी पाठविण्यात आली. काही वेळेस पीएमपी बसगाड्या उपलब्ध न झाल्यास पोलिसांकडून आम्हाला बसगाड्यांसाठी विचारणा केली जात आहे. त्यानुसार, आम्ही विविध पोलिस ठाण्यांवर गाड्या पाठवून तेथील परप्रांतीय प्रवाशांना पुणे रेल्वे स्थानक आणि उरुळी कांचन रेल्वे स्थानकावर सोडले जात आहे. अलीकडेच, पोलिसांकडून 100 गाड्यांची मागणी आली होती. आमच्या आगाराकडून 90 गाड्या पाठविण्यात आल्या. मात्र, परप्रांतीय लोकांची पुरेशी संख्या नसल्याने त्यापैकी केवळ 87 गाड्याच वापरात येऊ शकल्या.''