जुनी सांगवी : एरवी लग्नाचा लवाजमा व डामडौल काही औरच असतो. मात्र, लॉकडाउनमुळे लग्नसमारंभाच्या हौसेला बंधने आली आहेत. अनेकांनी लग्न पुढे ढकलली आहेत. तर काहीजण लॉकडाउनमधे सोशल डिस्टन्स पाळत घरीच शुभमंगल उरकत आहेत. 

ताज्या बातम्यांसाठी डाऊनलोड करा ई-सकाळचे ऍप

जुनी सांगवीतील सामाजिक कार्यकर्ते महेश भागवत यांचे चिरंजीव ओंकार भागवत याचा वैष्णवी बापूराव डरांगे हिच्याशी ठरलेला विवाह घरात साधेपणाने करण्याचा निर्णय घेतला. 
प्रशासनाकडून रीतसर परवानगी घेऊन अगदी मोजक्या दहा जणांच्या उपस्थितीत तसेच, सर्वांनी मास्क घालून व सोशल डिस्टंन्सिंग राखत हा विवाह भागवत यांच्या घरी पार पाडला.

पुण्याच्या बातम्या वाचण्यासाठी येथे ► क्लिक करा

विशेष म्हणजे सामाजिक दायित्वाचे भान राखत या विवाहामुळे जो खर्च वाचला, तो मुख्यमंत्री व पंतप्रधान सहायता निधीसाठी प्रत्येकी २५ हजार रुपये, असे एकूण ५० हजार रुपयांचा धनादेश पिंपरी-चिंचवडच्या महापौर उषा ढोरे यांच्याकडे नवदांपत्याच्या हस्ते सुपुर्द करण्यात आला. त्यांच्या या सामाजिक जाणिवेबद्दल महापौरांनी त्यांचे कौतुक केले.