पिंपरी : चिंचवड रेल्वे स्थानकाजवळील पत्राशेडच्या चार दुकानांना अचानक आग लागली. या आगीत दुकानांचे मोठ्या प्रमाणात नुकसान झाले. ही घटना शनिवारी (ता. ५) दुपारी पावणेदोनच्या सुमारास घडली. (Chinchwad Fire Accident)

चिंचवड रेल्वे स्थानकाजवळ पत्राशेडची दुकाने असून यापैकी चार दुकानांना दुपारी पावणेदोनच्या सुमारास अचानक आग लागली. काही वेळातच आग मोठ्या प्रमाणात पसरली. आगीची माहिती मिळताच महापालिका अग्निशमन दलाच्या चार गाड्या घटनास्थळी दाखल झाल्या. दीड तासात आग आटोक्यात आणण्यात यश आले. यामध्ये दुकानांमधील साहित्यांचे मोठ्या प्रमाणात नुकसान झाले. शॉर्टसर्किटमुळे ही आग लागल्याचा प्राथमिक अंदाज वर्तविण्यात येत आहे.