पिंपरी, ता. २८ ः महापालिकेच्या बाजूला असणाऱ्या चौकाचा पिंपरी चौक असा उल्लेख न करता महामानव विश्वरत्न डॉ. बाबासाहेब आंबेडकर चौक (पिंपरी) व पिंपरी कॅम्प येथील चौकाचा कराची चौक असा उल्लेख न करता संत गाडगे महाराज चौक असा पीएमपीएमएल तिकिटावर उल्लेख करण्यात यावा, अशा आशयाचे निवेदन भीमसंग्राम सामाजिक संघटनेचे संस्थापक अध्यक्ष राहुल वडमारे यांनी पीएमपीएमएलचे मुख्य वाहतूक व्यवस्थापक (ऑपरेशन) सतीश गव्हाणे यांना दिले. यावेळी आनंद साळवे, सुभाष विद्यागर, राजू चव्हाण उपस्थित होते.