Abeer-Gulal: कलर्स मराठीवर सध्या अनेक नवनवीन विषयांवरील मालिका प्रेक्षकांच्या भेटीस येत आहेत. स्पृहा जोशी (Spruha Joshi) आणि सागर देशमुख (Sagar Deshmukh) यांची मुख्य भूमिका असलेली सुख कळले या मालिकेने पहिल्या एपिसोडपासूनच प्रेक्षकांची मनं जिंकली आहेत आणि आता कलर्स मराठी वाहिनीवर नवीन मालिका प्रेक्षकांचा भेटीस येणार आहे. नुकताच या मालिकेचा प्रोमो सोशल मीडियावर शेअर करण्यात आला.

'अबीर गुलाल' (Abeer-Gulal) असं या नवीन मालिकेचं नाव असून मालिकेच्या प्रोमोमध्ये दोन मुलींची जन्माच्या वेळी अनोळखी कुटूंबामध्ये अदलाबदल झाल्याचं दाखवण्यात आलं आहे. दोन अनोखी मुलींचं नशीब बदलणारी ती रात्र असं कॅप्शन या प्रोमोला देण्यात आलं आहे. आता या मुलींची अदलाबदल का झाली? त्यांचं नशीब यामुळे कसं बदलणार याची गोष्ट या मालिकेत पाहायला मिळेल.

ही नवीन मालिका कलर्स कन्नडावर गाजलेल्या लक्षणा या मालिकेचा रिमेक आहे. टीव्ही अँकर हाऊ इच्छिणाऱ्या एका मुलीला केवळ सावळ्या रंगामुळे आर जे ची नोकरी स्वीकारावी लागते आणि पुढे तिचं आयुष्य कसं बदलतं याची गोष्ट या मालिकेत दाखवण्यात आली होती. आता या कथानकात बदल करून अबीर गुलाल या मालिकेत नवीन काय ट्विस्ट पाहायला मिळणार हे जाणून घेण्यासाठी प्रेक्षक उत्सुक आहेत.

लवकरच ही मालिका प्रेक्षकांच्या भेटीस येणार असून अभिनेत्री सुरभी भावे या मालिकेत काम करतेय. पण या व्यतिरिक्त आणखी कोण कलाकार या मालिकेत काम करणार हे अजून रिव्हील करण्यात आलं नाहीये. सुरभीने या अगोदर भाग्य दिले तू मला या मालिकेत काम केलं होतं.

ही मालिका कधी प्रेक्षकांच्या भेटीस येणार हे अजून रिव्हील करण्यात आलं नाहीये. प्रोमोला जरी प्रेक्षकांनी उत्तम प्रतिसाद दिला असला तरी अनेकजण बिग बॉस मराठीचा पुढील सीजन कधी येणार असा प्रश्न विचारत आहेत. नवा सीजन पाहायला अनेकजण उत्सुक आहेत. त्यामुळे कलर्स मराठी वाहिनी बिग बॉस मराठीचा नवीन सीजन कधी जाहीर करतं याकडे सगळ्यांचं लक्ष लागून राहीलं आहे.