Marathi Entertainment News : सध्या अनेक नवीन मालिका प्रेक्षकांच्या भेटीस येत आहे. 'झी मराठी‘ वाहिनीवर सावळ्याची जणू सावळी ही नवी मालिका प्रेक्षकांच्या भेटीस येणार आहे. काही दिवसांपूर्वीच या मालिकेचं मोशन पोस्टर रिलीज करत या मालिकेची घोषणा केली. या मालिकेत कोण अभिनेत्री मुख्य भूमिका साकारणार हे नुकतंच रिव्हील करण्यात आलं.

महेश कोठारे आणि आदिनाथ कोठारे यांनी या मालिकेची निर्मिती केली आहे. 'सावळ्याची जणू सावली' या मालिकेच्या नव्या प्रोमोमध्ये नदीतून हंड्यात पाणी भरून विठ्ठलाच्या मंदिरात गाणं गात जाणारी तरुणी दिसतेय. सगळेजण तिच्या आवाजाचं कौतुक करताना दिसत आहेत. पण यावेळी एक आजोबा म्हणतात कि, "एवढा गोड आवाज आहे पण दिसायलाही एवढी गोड असती तर." त्यानंतर केसात गजरा माळलेली एक सावळी मुलगी विठ्ठलाची पूजा करताना दिसते.

अभिनेत्री प्राप्ती रेडकर ही मुख्य भूमिका साकारणार आहे. या आधी प्राप्तीने कलर्स मराठीवरील 'काव्यांजली' ही मालिकेत मुख्य भूमिका साकारली आहे. तिने साकारलेली अंजलीची भूमिका सगळ्यांना आवडली. प्राप्तीने बालकलाकार म्हणून मराठी अभिनयविश्वात पदार्पण केलं. "किती सांगायचंय मला" या कलर्स मराठीवरील मालिकेत तिने काम केलं होत. त्यानंतर तिने 'मेरे साई' या मालिकेत काम केलं होतं.

ही मालिका कधी सुरु होणार हे अजून चॅनेलने जाहीर केलेलं नाहीये. या मालिकेत अजून कोण कलाकार असणार हे रिव्हील करण्यात आलं नाहीये. ही मालिका 'कृष्णकोली' या बंगाली मालिकेवर आधारित आहे.