Colors Marathi : बहुप्रतिक्षित बिग बॉस मराठीचा पाचवा सीजन प्रेक्षकांच्या भेटीस येतोय. आधीचे चारही सीजन गाजवलेल्या या रियालिटी शोची चर्चा गेल्या काही महिन्यांपासून रंगलीये आणि आता बिग बॉस मराठीच्या घरात जाणाऱ्या स्पर्धकांमध्ये काही सेलिब्रिटीच्या नावांची चर्चाही आहे. यातच आणखी एका सुप्रसिद्ध अभिनेत्रीचं नाव समोर आलं आहे.

'बिग बॉस मराठी अपडेट्स_5' या इन्स्टाग्राम पेजवर याविषयीच एक अपडेट शेअर करण्यात आलं. बिग बॉस मराठीच्या घरात अभिनेत्री वर्षा उसगावकर प्रवेश करणार असल्याचं म्हंटलं जातंय. वर्षा यांनी नुकतीच स्टार प्रवाह वरील सुख म्हणजे नक्की काय असतं ही मालिका सोडली या मालिकेचा साकारत असलेलं माई हे पात्र खुप गाजलं होत. त्यामुळे आता वर्षा बिग बॉस मराठीच्या घरात प्रवेश करणार असल्याची चर्चा रंगलीये.

वर्षा यांनी आजवर अनेक मराठी आणि हिंदी सिनेमांमध्ये काम केलं आहे. मराठी सिनेमात त्या बोल्ड अभिनेत्री म्हणून प्रसिद्ध होत्या तर बॉलिवूडमध्येही त्यांनी त्यांच्या अभिनयाची छाप सोडली होती. गेल्या काही काळापासून त्यांनी मराठी मालिकांमध्येही त्यांनी काम केलं. सुखं म्हणजे नक्की काय असतं या मालिकेत त्यांनी साकारलेली माईची भूमिका गाजली. आता या मालिकेत माईंचा शालिनीने खून केल्याचं दाखवण्यात आलं आहे. यातच माईंचा मृत्यू होतो असं दाखवण्यात आलं आहे.

वर्षा यांच्याबरोबरच जान्हवी किल्लेकर, विवेक सांगळे, चेतन वढनेरे आणि अंकिता वालावलकर हे सेलिब्रिटी बिग बॉस मध्ये सहभागी होणार असल्याचं म्हंटलं जातंय. पण याबाबत अधिक जाणून घेण्यासाठी प्रेक्षकांना २८ जुलै पर्यंत वाट पाहावी लागणार आहे. २८ जुलै २०२८ ला रात्री ९:३० वाजता बिग बॉस मराठीचा दिमाखदार प्रीमियर पार पडणार आहे.

यंदा या शोचं सूत्रसंचालन रितेश देशमुख करणार असून जिओ सिनेमा आणि कलर्स मराठीवर हा कार्यक्रम प्रेक्षकांना पाहता येईल.