Akshay Kelkar: गेल्या काही महिन्यांमध्ये बऱ्याच मराठी कलाकारांनी नवीन घर खरेदी करत आपली स्वप्नपूर्ती केली आहे. याच यादीत आता ‘बिग बॉस मराठी’ विजेता अभिनेता अक्षय केळकरचेदेखील नाव जोडले गेले आहे. अक्षय केळकरने गेल्यावर्षी म्हाडाच्या मुंबईच्या प्रकल्पासाठी अर्ज केला होता. या सोडतीमध्ये अक्षय विजेता ठरला आणि त्याला हक्काचं घर मिळालं.

हे घर अक्षयने अतिशय सुंदररीत्या सजवलं आहे. याची झलक अभिनेत्याने यापूर्वीदेखील शेअर केली होती, परंतु या नव्या घरात त्याने वारकऱ्यांच्या प्रतिकृती घडवल्या आहेत. याची झलक आषाढी एकादशीनिमित्ताने त्याने पहिल्यांदाच इन्स्टाग्रामवर शेअर केली आहे.

अक्षयने पालखी घेऊन पंढरपूरच्या दिशेने निघालेले वारकरी, वारीत सहभागी झालेली लहान मुलं अशा विविध प्रतिकृती घडवल्या आहेत. यासंदर्भात पोस्ट शेअर करत माहिती दिली आहे. अक्षयच्या या पोस्टवर अनेक कलाकारांसह नेटकऱ्यांनी कमेंट्स करत त्याने साकारलेल्या कलाकृतीचं कौतुक केलं आहे.