पुणे - शहर पोलिस आयुक्तालयातील सुमारे ७०० ते ८०० पोलिस कर्मचाऱ्यांच्या १४ आणि १५ फेब्रुवारीला अंतर्गत बदल्या करण्यात येणार असल्याची माहिती पोलिस आयुक्त अमितेश कुमार यांनी दिली. त्यामध्ये पाच वर्षांपासून अधिक काळ एकाच पोलिस ठाण्यात आणि विभागात कार्यरत असलेल्या पोलिस कर्मचाऱ्यांच्या समावेश आहे.

एकाच पोलिस ठाण्यात तसेच गुन्हे शाखा, वाहतूक शाखा, विशेष शाखा आणि पोलिस मुख्यालयात पाच वर्षांपेक्षा अधिक काळ ठाण मांडून बसलेल्या पोलिस कर्मचाऱ्यांची माहिती पोलिस आयुक्त अमितेश कुमार यांनी मागवली आहे. येत्या १४ आणि १५ फेब्रुवारी रोजी पोलिस कर्मचार्‍यांच्या अंतर्गत बदल्या करण्यात येतील, असे पोलिस आयुक्त अमितेश कुमार यांनी सांगितले.

पोलिस कर्मचार्‍यांच्या बदल्या या संबंधित पोलिस कर्मचार्‍यांना समोर बोलावून त्यांनी मागितलेल्या तीन पर्यायानुसार करण्यात येणार आहेत. कोणाचीही गैरसोय होईल, अशा पद्धतीने बदल्या केल्या जाणार नाहीत. परंतु त्या नियमांनुसार होतील, असे त्यांनी स्पष्ट केले.