पुणे : दारू पिण्याच्या कारणावरुन झालेल्या वादातून नातेवाईकास दगडाने मारहाण करीत खून करून पुण्याला पळून आलेल्या आरोपीस खडकी पोलिसांनी पकडले. त्यास वाकडेवाडीतील पीएमपी कॉलनी परिसरातून त्याला ताब्यात घेण्यात आले. माधव तुमाराम टोमके (वय २९, रा. मळवटा, ता.वसमत, जि हिंगोली) असे अटक केलेल्या संशयित आरोपीचे नाव आहे.
पोलिसांनी दिलेल्या माहितिनुसार, खडकी पोलिस ठाण्याचे पथक शनिवारी दुपारी वाकडेवाडी परिसरात गस्त घालीत होते. त्यावेळी पोलिसांना पाहून एक तरुण पळून जात होता. पोलिसांनी त्याचा पाठलाग करून ताब्यात घेतले. त्याच्याकडे चौकशी केली. त्याने दारू पीत असताना झालेल्या वादातून नातेवाईक मधुकर उर्फ पांडुरंग ज्ञानेश्वर जाधव (वय ४५,रा. टाकळखोपा) यास दगडाने मारहाण करुन त्याचा खून केला. त्यानंतर तो पुण्याला पळून आला होता.
हिंगोली पोलिसांना गुंगारा देत तो वाकडेवाडी परीसर राहत होता. पोलिसांनी त्यास ताब्यात घेऊन हिंगोलीतील हट्टा पोलीसांच्या ताब्यात देण्याची प्रक्रिया सुरु केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.