राज्यातील कोरोनाची तिसरी लाट अद्याप सुरू असतानाच शाळा सुरू करण्याचा निर्णय राज्य सरकारने घेतला आहे. काही ठिकाणचे रुग्ण कमी झाल्याने तसेच विद्यार्थ्यांचे दीर्घकालीन नुकसान टाळण्यासाठी राज्य सरकारने घोषणा केली आहे.
मात्र, शिक्षणाचे माहेरघर असणाऱ्या पुण्यात अद्याप शाळा सुरू करण्यास महापौरांनी नकार दिला आहे. त्यानंतर पालकमंत्री अजित पवारांनी बैठक बोलावली आहे. (Ajit pawar holds review meeting on schools reopen in pune)
राज्यातील काही ठिकाणची कोरोना परिस्थिती नियंत्रणात येत असल्याने सरकारने येत्या सोमवारपासून शाळा पुन्हा सुरू करण्याचा निर्णय घेतला आहे. पहिली ते बारावीच्या शाळा ऑफलाईन पद्धतीने भरवण्याच्या निर्णयावर मंत्रीमंडळाच्या बैठकीत शिक्कामोर्तब झालं आहे. मात्र, स्थानिक प्रशासनाकडे यासंदर्भात निर्णय घेण्याचे अधिकार देण्यात आले आहेत. एखाद्या जिल्ह्यात मोठ्या प्रमाणात रुग्ण आढळल्यास स्थानिक प्रशासन शाळा बंद करण्याचे आदेश देऊ शकतं.
पुण्यात चोवीस तासात सर्वाधिक रुग्ण
पुणे जिल्ह्यात शुक्रवारी (ता.२१) दिवसभरात १६ हजार ६१८ नवे कोरोना रुग्ण आढळून आले आहेत. दिवसभरात १० हजार १७७ जणांनी कोरोनावर मात केली आहे. अन्य दहा रुग्णांचा कोरोनाने मृत्यू झाला आहे. दिवसातील एकूण मृत्यूमध्ये पुणे शहरातील चार मृत्यू आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.