पुणे, ता. १४ : विद्यार्थ्यांमधील सर्जनशीलता, कल्पनाशक्ती व कलागुणांना वाव देण्यासाठी ‘आर्ट मॅजिक २०२६’ या १९व्या चित्रकला प्रदर्शनाचे आयोजन आर्ट मॅजिक ड्रॉइंग क्लासेसने केले आहे. रविवार (ता. १७) ते मंगळवार (ता. १९) दरम्यान जंगली महाराज रस्त्यावरील बालगंधर्व कलादालनात हे प्रदर्शन होणार आहे. नगरसेविका डॉ. निवेदिता एकबोटे यांच्या हस्ते रविवारी (ता. १७) सायंकाळी साडेचार वाजता उद्‍घाटन होणार आहे. सकाळी ११ ते रात्री ८ पर्यंत प्रदर्शन सर्वांसाठी खुले राहणार आहे. आंतरराष्ट्रीय कलाकार महालक्ष्मी पवार आयोजिका असून, अंबादास पवार सहआयोजक आहेत. प्रदर्शनात ६० विद्यार्थ्यांच्या १८० हून अधिक कलाकृती मांडणार आहेत. चित्रकार मल्लिकार्जुन सिंदगी व सुनील सोनावणे विद्यार्थ्यांना मार्गदर्शन करणार आहेत.