पिरंगुट, ता. २४ : पिरंगुट (ता. मुळशी) येथील शिबिरात ५१ दात्यांनी रक्तदान केले. ब्रह्माकुमारीज संस्थेच्या वतीने माजी मुख्य प्रशासिका आदरणीय दादी प्रकाशमनीजी यांच्या स्मृतीदिनानिमित्त बी. के. ज्योती दीदी यांच्या मार्गदर्शनाखाली येथील सेवा केंद्रामध्ये घेतलेल्या शिबिरात रक्तदान करून मानवसेवेचा संदेश दिला. हडपसर येथील अक्षय रक्तपेढी व आनंद हॉस्पिटलचे डॉ. गणेश जाधव यांनी सहकार्य केले. दादी प्रकाशमनीजी यांनी आपल्या जीवनातून प्रेम, शांती, सेवा आणि मानवकल्याणाचा संदेश दिला. त्यांच्या स्मृतींना अभिवादन करण्यासाठी ब्रह्माकुमारीज संस्थेच्या वतीने विविध सामाजिक सेवा उपक्रम राबविण्यात येतात. त्याचाच एक भाग म्हणून हे रक्तदान शिबिर घेण्यात आले.