पिंपरी (पुणे) : देहूरोड कॅन्टोमेंटचे भाजपचे नगरसेवक विशाल ऊर्फ जिंकी खंडेलवाल यांच्यावर गोळीबार करणाऱ्या दोन आरोपींना पिस्तुलासह देहूरोड पोलिसांनी अटक केली. ही घटना गुरुवारी (ता. 13) सायंकाळी साडेसातच्या सुमारास देहूरोड बाजारपेठेत घडली होती.

साबीर समीर शेख (वय 19, रा. वराळे फाटा, तळेगाव स्टेशन) व साईतेजा ऊर्फ जॉनी शिवा चिंतामल्ला (वय 19, रा. ऑर्डनन्स फॅक्‍टरी, देहूरोड) अशी त्यांची नावे आहेत.

आरोपीचा भाऊ व मित्र यांच्यावर दाखल जुन्या गुन्ह्यामध्ये खंडेलवाल यांनी पुढाकार घेऊन देहूरोड बाजारपेठ बंद ठेवण्याचा राग आल्याने गोळीबार केल्याचे प्राथमिक चौकशीत समोर आले आहे. असे पोलिसांनी सांगितले.