राजधानी भक्ती महोत्सवाच्या कार्यालयाचे उद्‍घाटन

सातारा, ता. २३ ः अभयसिंहराजे भोसले प्रतिष्ठान व श्रीविठ्ठलधाम क्षेत्र आंबेघर यांच्या संयुक्त विद्यमाने २६ डिसेंबर ते एक जानेवारी २०२७ या कालावधीत साताऱ्यात राजधानी भक्ती महोत्सव आयोजिला आहे. हा महोत्सव यशस्वी करण्यासाठी कटिबद्ध असल्याचे प्रतिपादन सार्वजनिक बांधकाममंत्री शिवेंद्रसिंहराजे भोसले यांनी केले.
येथील राधिका चौक येथे महोत्सव समितीच्या मध्यवर्ती संपर्क कार्यालयाचा उद्‍घाटन मंत्री शिवेंद्रसिंहराजे भोसले व प्रमोद महाराज जगताप यांच्या हस्ते झाला. त्यावेळी मंत्री भोसले बोलत होते. प्रदीर्घ कालावधीनंतर राजधानीत होणाऱ्या या महोत्सवाला सर्वतोपरी सहकार्य करण्याचे आश्वासन मंत्री भोसले यांनी दिले. या कार्यक्रमात ख्यातनाम कीर्तनकार ज्ञानदान करणार आहेत. माउलींच्या मानाच्या अश्वांचे गोल रिंगण होणार आहे, तसेच ग्रंथराज ज्ञानेश्वरीची हत्तीवरून मिरवणूक काढण्यात येणार आहे, अशी माहिती सोहळ्याचे संयोजक प्रवीण महाराज शेलार यांनी दिली. श्रीपती माने यांनी स्वागत केले. मदनराव कदम यांनी प्रास्ताविक केले. यावेळी ज्ञानदेव रांजणे, जयेंद्र चव्हाण, हभप बबनराव सापते, हभप संजय वेळूकर, हभप अमोल जाधव, पुरुषोत्तम कुलकर्णी, मारुती जाधव, रवींद्र लोहार, विक्रम शिंदे, सौरभ धनवडे, राहुल बाबर, मारुती निगडीकर, योगेश यादव, सुरेश पार्टे, राधेश्याम सातारकर, कृष्णा काकडे, संभाजी शेळके यांच्यासह जिल्ह्यातील कीर्तनकार, वादक, गायक आदी उपस्थित होते.
PNE26W41778
सातारा ः अभयसिंहराजे भोसले प्रतिष्ठान व श्रीविठ्ठलधाम क्षेत्र आंबेघर यांच्या संयुक्त विद्यमाने होणाऱ्या राजधानी भक्ती महोत्सवाच्या समितीच्या मध्यवर्ती संपर्क कार्यालयाचे उद्‍घाटन करताना शिवेंद्रसिंहराजे भोसले. त्यावेळी प्रमोद महाराज जगताप आदी.
-------------------