पुणे : सातारा येथील औंध संस्थानाच्या गायत्रीदेवी पंतप्रतिनीधींची पुण्यात फसवणूक केल्याप्रकरणी त्यांच्या वकिलासह चौघांविरुद्ध विश्रामबाग पोलिस ठाण्यात गुन्हा दाखल करण्यात आला आहे. त्यांच्या सदाशिव पेठेतील संपत्तीचे बनावट दस्त तयार करून ही फसवणूक करण्यात आली. यातील तीन आरोपींना अटक करण्यात आली आहे.

या प्रकरणी, शशी शंकर पोडवाल (वय 51,रा. आळंदी रोड येरवडा), आसिफ जलील खान (वय 61,रा. मार्केटयार्ड), अन्वर युनूस खान पठाण (वय 54, रा. गोखलेनगर) या तिघांना अटक करण्यात आली आहे. तर ऍडव्होकेट कमलेश पिसाळ (रा. सातारा) याच्याविरुद्ध गुन्हा दाखल करण्यात आला आहे. याबाबत गायत्रीदेवीचे स्वीयसहायक बलराज अरुण वाडेकर (वय 37, रा. गुरुवार पेठ) यांनी फिर्याद दिली आहे.

- प्रकृती बिघडल्यामुळे माजी खासदार राजू शेट्टी दीनानाथ मंगशेकर रुग्णालयात दाखल

बनावट कागदपत्रे तयार करून आरोपी गायत्रीदेवींची संपत्ती विकण्याचा प्रयत्न करत होते. याबाबत चौकशी केल्यानंतर फिर्यादी यांना हा प्रकार समजला. त्यानंतर त्यांनी संपत्तीची जाऊन पाहणी केली असता, ती गायत्रीदेवींची असल्याचे समोर आले. त्यानुसार फिर्यादींनी पोलिसात धाव घेत तक्रार दिली होती. दरम्यान दाखल गुन्ह्याच्या अनुषंगाने तपास करून आरोपींना अटक केल्याचे वरिष्ठ पोलिस अधिकाऱ्यांनी सांगितले.

पोलिसांनी दिलेल्या माहितीनुसार, फिर्यादी हे बांधकाम व्यावसायिक आहेत. तसेच गायत्रीदेवी यांचे स्वीयसहायक म्हणूनही काम पाहतात. सर्व्हे, नंबर 458/1 टिळकरोड सदाशिव पेठ येथील मिळकतीबद्दल आरोपी शशी पोडवाल याने संपत्तीचा पोट भाडेकरू आसिफ आणि अन्वर यांच्याशी संगनमत करून प्रॉपर्टीचा बनावट नोटराईज समझोता करारनामा केला. त्यावर गायत्रीदेवी आणि त्यांच्या मुलाचा फोटो लावून खोट्या सह्या केल्या.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)