पुणे : कोरोनाचा वाढता प्रादुर्भाव आणि रमजान सणाच्या पार्श्वभूमीवर शहर पोलिस दलाच्या मदतीसाठी केंद्रीय सशस्त्र पोलिस दलाची १२० जवानांची एक तुकडी पुणे शहरात दाखल होणार आहे.

ताज्या बातम्यांसाठी डाऊनलोड करा ई-सकाळचे ऍप

कोरोनाचा प्रादुर्भाव रोखण्यासाठी लागू असलेल्या लॉकडाऊन काळात पोलिस दल मोठ्या प्रमाणावर बंदोबस्तात अडकलेले आहे़. तर राज्यात सुमारे एक हजार पोलिस अधिकारी व कर्मचाऱ्यांना कोरोना विषाणुची लागण झाली आहे़. त्यामुळे मोठ्या संख्येने पोलिसांना क्वारंटाईन करावे लागले आहे. तसेच ५५ वर्षांवरील पोलिस कर्मचाऱ्यांना खबरदारी म्हणून रजा देण्यात आली आहे़. त्यामुळे उरलेल्या पोलिस दलावर बंदोबस्ताचा मोठा ताण आला आहे.  

पुण्याच्या बातम्या वाचण्यासाठी येथे ► क्लिक करा

दीड महिन्याहून अधिकच्या बंदोबस्तामुळे पोलिसांची दमछाक झाली आहे. त्यात लॉकडाऊन वाढण्याची शक्यता आणि आगामी रमजान ईद सणजवळ आल्याने पोलिसांच्या मदतीसाठी गृहमंत्री अनिल देशमुख यांनी केंद्रीय सशस्त्र दलाच्या २० तुकड्यांची मागणी केंद्राकडे केली आहे. त्या तुकड्या राज्यात दाखल झाल्यानंतर मुंबईसह राज्यातील विविध शहरांमध्ये तैनात करण्यात येणार आहेत. पोलिसांच्या मदतीसाठी केंद्रीय सशस्त्र दलाच्या १२० जवानांची तुकडी पुणे शहराला मिळणार आहे. शहरात ६९ ठिकाणी प्रतिबंधित क्षेत्र जाहीर करण्यात आले आहेत. या ठिकाणी पुणे पोलिसांना ही तुकडी बंदोबस्तासाठी सहाय्य करेल, अशी माहिती विशेष शाखेचे पोलिस उपायुक्त मितेश घट्टे यांनी दिली.

पुण्यात नव्या रुग्णांची संख्या घटली; तर कोरोनामुक्तांची संख्या वाढली!