गेल्या काही दिवसांमध्ये अपघातांच्या घटनांमध्ये मोठी वाढ झाली आहे. पुणे सोलापूर महामार्गावर एका ६५ वर्षीय वारकरी महिलेचा ट्रकच्या धडकेत मृत्यू झाल्याची दुर्दैवी घटना घडली आहे. पुणे सोलापूर महामार्गावरील कुंजीरवाडी ग्रामपंचायत हद्दीतील थेऊर फाटा येथे काल (शुक्रवारी) दुपारी हा अपघात झाला आहे. (Latest Marathi News)

दगडाबाई बाळू खुपसे (६५) असे अपघातात मृत्यू झालेल्या वारकरी महिलेचे नाव आहे. तर नाना सुखदेव कावरे (३५) असे ट्रक चालकाचे नाव आहे.

मिळालेल्या माहितीनुसार, दगडाबाई आषाढी वारीनिमित्त पायी पंढरपूरला गेल्या होत्या. आज दुपारी तीनच्या आसपासत्या पंढरपूर वरून पुणे - सोलापूर महामार्गावरील थेऊर फाट्यावरून कोलवडीकडे जाणाऱ्या रस्त्याकडे जात असताना पुण्याच्या दिशेकडून लोणीकंदकडे निघालेल्या एका ट्रकच्या मागील चाकाखाली खुपसे आल्या.(Latest Marathi News)

या अपघातामध्ये त्या गंभीर जखमी झाल्या होत्या. त्यांना तात्काळ लोणी काळभोर येथील रुग्णालयात दाखल करण्यात आलं. मात्र उपचारादरम्यान त्यांचा मृत्यू झाला.

या घटनेने परिसरात नागरिकांकडून मोठ्या प्रमाणात हळहळ व्यक्त होत आहे. तर लोणी काळभोर पोलीस ठाण्यात गुन्हा दाखल करण्यात आला आहे. पुणे-सोलापूर महामार्गावर मागील काही दिवसांपासून रस्ते अपघातांचे प्रमाण वाढले आहेत.(Latest Marathi News)