Devendra Fadanvis : राज्याचे उपमुख्यमंत्री आणि गृहमंत्री देवेंद्र फडणवीस यांनी आज पुण्यात पुणे पोलिसांचा चांगलाचा क्लास घेतला. ते पुण्यात बोलत होते.

हे ही वाचा : पुण्याचा पहिला 'माॅल'- तुळशीबाग

यावेळी त्यांनी पोलिसांना कशाप्रकारे काम करणे गरजेचे आहे, याबाबत सूचना केल्या. ते म्हणाले की, आजच्या बैठकीत शहरातील विविध गुन्ह्यांची परिस्थिती काय आहे याचा आढावा घेण्यात आला. २०२२ मध्ये घडलेल्या गुन्ह्यांबाबत यावेळी सखोल चर्चा करण्यात आल्याच ते म्हणाले.

ज्या ठिकाणच्या गुन्हेगारींमध्ये वाढ झाली आहे, त्याची कारण काय आहेत याचादेखील यावेळी मागोवा घेण्यात आला. यावेळी रेट ऑफ कन्व्हिक्शन वाढवण्याबाबत काय उपयायोजना करता येतील यावर चर्चा करण्यात आल्याचे फडणवीस म्हणाले.

यावेळी ड्रग्जविरोधात विशेष मोहीम सुरू करण्यात येणार असल्याचे फडणवीसांनी यावेळी सांगितले आहे. त्यामुळे येत्या काळात ड्र ग्ज तस्करांविरोधातील कारवाई अधिक कठोर होणार आहे.

फडणवीस म्हणाले की, २०२२ या वर्षात वेगवेगळे गुन्हे आहेत. यात बॉडी ऑफन्ससेस, क्रिमिनल आदींचा आढावा घेण्यात आला. ज्या ठिकाणी गुन्हेगारी वाढली आहे. त्याचा कारणं काय आहेत? याचा आढावा घेण्यात आल्याचे फडणवीसांनी यावेळी सांगितले.

बदललेल्या सत्तंतरानंतर बदल्या आणि भ्रष्टाचार याला समोर जाव लागणार नसल्याचे आश्वासनही फडणवीसांनी पोलिसांना दिले आहे. महाराष्ट्र पोलिसांच्या ईमेजला काही दिवसांपूर्वी जो बट्टा लागला होता त्यात हळूहळू बदल होतोय. हा बट्टा पुसून पुन्हा महाराष्ट्र पोलिसांची इमेज आघाडीवर आणण्यासाठी काम करा अशा सूचनाही त्यांनी पोलिसांना दिल्या आहेत.

सध्या राज्यात जातीय, धार्मिक तणाव वाढले आहेत. त्यामुळे ते कमी करण्यासाठी काम करा अशा सूचनाही पोलिसांना दिल्या आहेत. सत्यजीत तांबेंबाबत योग्य वेळी योग्य गोष्टी समजतील असं सूचक विधानही त्यांनी केले आहे.