पुणे : गणेशोत्सवादरम्यान कोकणात जाण्यासाठी एसटी महामंडळातर्फे पुणे आणि पिंपरी-चिंचवडमधून १०३ जादा एसटी गाड्या ६ ते १० सप्टेंबर दरम्यान सोडण्यात येणार आहेत. त्याची प्रवाशांनी नोंद घ्यावी, असे आवाहन एसटी महामंडळाने केले आहे.

पिंपरी-चिंचवड, पुणे स्टेशन, स्वारगेट स्थानकांवरून जादा गाड्या सुटणार आहेत. चिपळून, गुहागर, दापोली, देवरूख, खेड, रत्नागिरी, महाडसाठी या गाड्या असतील. कोकणात जाण्यासाठी ४४ जणांचा ग्रुप केल्यास जादा बस सोडणार आहेत. या जादा बसगाड्यांचे स्वारगेट, शिवाजीनगर, पिंपरी-चिंचवड, पुणे रेल्वे स्टेशन या स्थानकांवरून संगणकीय आरक्षण खुले झाले आहे. त्याची प्रवाशांनी नोंद घ्यावी, असे आवाहन विभागीय वाहतूक अधिकारी ज्ञानेश्वर रणवरे यांनी केले.