वडगाव निंबाळकर : किरकोळ दुखणं अंगावर काढणं वडगाव निंबाळकर येथील जयप्रकाश बाबुराव राऊत वय 67 यांच्या जीवावर बेतलं कोरोना टेस्ट करण्यापूर्वी त्यांचा मृत्यू झाला.
गेल्या तीन-चार दिवसांपासून अशक्तपणा जाणवत होता, यामुळे गावातील डॉक्टरांना दाखवून उपचार केले दुसऱ्यांदा पुन्हा दाखवले असता कोरोना टेस्ट करून घ्यावी लागेल, असा सल्ला डॉक्टरांनी दिला.
पुढील उपचारासाठी बारामती येथील खाजगी दवाखान्यात त्यांना नेले असता येथेसुद्धा टेस्ट करून घेण्याचे सल्ला दिला. कोरोनाची धास्ती घेतलेल्या राऊत यांनी उद्या येऊ असे म्हणून घरी घेऊन येण्याचा आग्रह मुलगा जीवन यांच्याकडे धरला. रात्री घरी येऊन विश्रांती घेतली. सकाळी अचानक त्रास अधिक वाढू लागला. उपचारापूर्वीच त्यांचे निधन झाले.
कोरोनामुळे गावातील सात जणांचा मृत्यू झाला. यामुळे करोनाची धास्ती लोकांनी इतकी घेतली आहे की आजारी पडले तरी गावातल्या डॉक्टरकडे औषधोपचार केले जात आहेत. कोरोना टेस्ट करण्याबाबत नागरीकांमधून गैरसमज झाले आहेत. ग्रामस्थांच्या मध्ये विश्वासार्हता निर्माण करणे गरजेचे आहे.
(संपादन : सागर दिलीपराव शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.