पुणे : राज्यातील व्यावसायिक अभ्यासक्रमांसाठी महत्वपूर्ण असलेल्या राज्य सामायिक प्रवेश परीक्षा अर्थात एमएचटी-सीइटीची ऑनलाईन अर्ज प्रक्रिया सुरु झाली आहे. शैक्षणिक वर्ष २०२२-२३ करिता १० फेब्रुवारी ते ३१ मार्च २०२२ पर्यंत अर्ज दाखल करता येणार आहे. अर्ज नोंदणी करीत विद्यार्थ्यांनी सीईटी सेलच्या संकेतस्थळावर जावे. (MHT-CET Application Exam News)

उच्च व तंत्रशिक्षण मंत्री उदय सामंत यांनी ट्विट करून हि माहिती दिली आहे. अभियांत्रिकी, औषधनिर्माणशास्त्र आणि कृषी या अभ्यासक्रमासाठी ही सीईटी महत्वपूर्ण आहे. प्रवेश घेण्यासाठी अधिकृत वेबसाइट mahacet.org वर जाऊन ऑनलाईन अर्ज करु शकता. 

इंजीनियरिंग आणि टेक्नॉलॉजी, फार्मेसी, आणि फार्म डी डिग्री कोर्सेस पहिल्या वर्षामध्ये प्रवेश करण्यासाठी एमएचटी सीईटी अभ्यासक्रम महाराष्ट्र राज्य आणि उच्च माध्यमिक शिक्षण बोर्ड (एमएसबीएसएचएसई) वर आधारित असेल.

असा करा अर्ज (How To Apply)

• - MAHACET अधिकृत संकेतस्थळ mahacet.org वर जा

• - मुख्यपृष्ठावर जाऊन 'एमएचटी सीईटी २०२२' लिंकवर क्लिक करा.

• - नोंदणीसाठी लागणारी माहिती भरा

• - अर्ज भरल्यानंतर शुल्क भरा आणि सबमिट बटणावर क्लिक करा.

• - आपली नोंदणी पूर्ण झाल्यानंतर पुढे जाण्यासाठी कन्फर्मेशनवर क्लिक करा.

• - प्रिंट काढून प्रत आपल्याकडे ठेवा.