पुणे : खेकडे, मटण-भाकरी, चिकन पकोडा, सुरमई, बांगडा, तळलेले मासे, बिर्याणी खेकडा असे नानाविध नॉनव्हेज पदार्थांवर ताव मारण्याची संधी खवय्ये पुणेकरांना मिळणार आहे. तसेच पुरणमाळी, मांडे, पिठ्ठल भाकरी, भरली वांगी, कांदा- बटाटा  भजी, लोणचे-चटण्या, रानातल्या पालेभाज्या, जिलेबी, गव्हाची खीर असे जिभेचे चोचले पुरविणारे पदार्थ पुणेकारांना एकाच जागी मिळणार आहेत.

खाद्यप्रेमी पुणेकरांची पर्वणी म्हणजे भीमथडी जत्रा बुधवारी सुरु झाली आहे. या जत्रेत खाद्यापदार्थांशिवाय हस्तकलेच्या वस्तू, कपडे खरेदी करण्याचा आनंद पुणेकरांना घेता येणार आहे. तसेच, वारकरी संप्रदायाचा सांस्कृतिक वारसा यंदाच्या जत्रेचे आकर्षण असणार आहे. सिंचननगरच्या कृषी महाविद्यालयाच्या मैदानावर रविवारपर्यंत (ता. 22) ही जत्रा असणार आहे. 

पुण्याच्या बातम्या वाचण्यासाठी ► क्लिक करा 

महाराष्ट्राचे सांस्कृतिक वैभव असलेली "पंढरीची वारी' यंदाच्या जत्रेची मध्यवर्ती संकल्पना आहे. जत्रेत 16 जिल्ह्यांतून आलेले 350 बचत गटांचे स्टॉल मांडण्यात आले आहेत. तसेच, चोखंदळ खवय्यांसाठी 90 खाद्यपदार्थांचे स्टॉल जत्रेत आहेत. 

पुण्यात तिघी प्रथम लिफ्ट मागायच्या आणि मग...
 

चोखंदळांची 'भीमथडी' 
- 14 राज्यांतील बचत गटांचा सहभाग 
- शाकाहारी आणि मांसाहारी खाद्यपदार्थांचे 90 स्टॉल 
- हस्तकलेच्या वस्तू आणि वस्त्रांची विक्री 
- 80 टक्के महिलांचा सहभाग 
- "आम्ही पुणेकर' हे महिलांसाठीचे विशेष दालन 
- सेंद्रिय पदार्थांसह गावरान धान्याचे स्टॉल 

पुणे-मुंबई 'एक्सप्रेस वे'वर आगीचा थरार; टँकर अन् कंटनेरला लागली आग