पुण्यात गणपतीचा मोठा उत्साह दिसून येत आहे. पुण्यात श्रीमंत दगडूशेठ हलवाई गणपतीसमोर आज 35 हजार महिलांनी अथर्वशीर्ष पठण केलं आहे. यावेळी महिलांमध्ये मोठा उत्साह दिसून आला. सकाळ वृत्तपत्र हातात घेऊन श्रीमंत दगडूशेठ हलवाई गणपतीसमोर ३५ हजार महिलांनी अथर्वशीर्षाचे पठण केले.(Latest Marathi News)

ऋषिपंचमीच्या पहाटे श्रीमंत दगडूशेठ हलवाई गणपतीसमोर आदिशक्तीच्या मंत्रोच्चाराने वातावरण मंगलमय आले होते. श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे आज ऋषिपंचमीनिमित्त पहाटे 35 हजार महिलांनी उत्सव मंडपासमोर अथर्वशीर्ष पठण केले. पहाटेपासून महिलांनी रांगा लावल्या होत्या.(Latest Marathi News)

महिलांनी 'सकाळ' वृत्तपत्राचा वापर अथर्वशीर्ष पठणासाठी केला. जमलेल्या महिलांच्या हातामध्ये सकाळ वृत्तपत्र यावेळी दिसून आले. गेल्या ३५ वर्षांपासून सामूहिक अथर्वशीर्ष पठणचा कार्यक्रम आयोजित करण्यात येत आहे. अनेक महिला गेले कित्येक वर्षांपासून अथर्वशीर्ष पठणसाठी हजेरी लावतात.

महिलांनी पहाटेपासून गणरायाच्या नामाचा जयघोष सुरू केला. श्रीमंत दगडूशेठ हलवाई मंदिर परिसरात वातावरण प्रसन्न झाल्याचे दिसून आले. गेल्या ३५ वर्षांपासून अथर्वशीर्ष पठणचा कार्यक्रम होतो आहे. अथर्वशीर्ष पठण उपक्रमाचे यंदाचे हे 36 वे वर्ष आहे. पारंपारिक वेशात हजारो महिलांनी या कार्यक्रमाला हजेरी लावली.(Latest Marathi News)

अथर्वशीर्ष पठणच्या कार्यक्रमाला रशियन नागरिकांच्या एका गटाला पाहुणे म्हणून आमंत्रित करण्यात आले होते. 35 हजार महिलांचा यामध्ये समावेश होता.