पिंपरी, ता. २२ ः सातारा जिल्हा मित्र मंडळ, सांगली जिल्हा मित्र मंडळ, पश्चिम महाराष्ट्र युवा मंच यांच्यातर्फे रविवारी (ता. २३) विविध पुरस्कारांचे वितरण करण्यात येणार आहे. निगडी सेक्‍टर २७ येथील स्‍व. यशवंतराव चव्‍हाण स्‍मृती भवन येथे सायंकाळी चार वाजता हा कार्यक्रम होईल. सार्वजनिक बांधकाम मंत्री शिवेंद्रसिंहराजे भोसले प्रमुख उपस्थित राहणार असल्‍याचे आयोजकांनी सांगितले.
यावेळी राजेंद्र शिंदे (सातारा भूषण), विशाल मोरे (पिंपरी चिंचवड भूषण), डॉ. सुहास गोडसे (सांगली भूषण), विजय मंडलिक (कोल्हापूर भूषण), दिनेश मोरे (सोलापूर भूषण), धनंजय वर्णेकर, डॉ. आकाश ठुबे, ॲड. मुकेश परदेशी (समाजभूषण) तसेच, अश्विनी सावंत, पंकज थोरात, प्रल्हाद लांडे-पाटील, बाबासाहेब भोसले, नवनाथ साळुंखे (उद्योगरत्न) पुरस्काराने गौरविण्यात येणार आहे. स्‍व. यशवंतराव चव्‍हाण स्‍मारक समिती, सोलापूर जिल्‍हा मित्र मंडळ, साकोसां ज्‍येष्‍ठ नागरिक संघाचे पदाधिकारी उपस्थित राहणार आहेत.
---