पिंपरी, ता. १२ : तरुणाला दांडक्याने व दगडाने मारहाण करून जखमी केल्याप्रकरणी भोसरीतील चक्रपाणी वसाहत येथील चौघांवर गुन्हा दाखल झाला आहे.
या प्रकरणी शुभम दुतोंडे (रा. चक्रपाणी वसाहत, भोसरी, मूळ- मलकापूर, बुलडाणा यांनी भोसरी पोलिस ठाण्यात फिर्याद दिली आहे. त्यानुसार बंटी गायकवाड, सुमीत शिंदे, पप्पू गायकवाड आणि आदित्य सावद (सर्व रा. चक्रपाणी वसाहत, भोसरी) यांच्यावर गुन्हा दाखल केला. फिर्यादी घरासमोर बसलेले असताना आरोपी तिथे आले. आरोपींंपैकी एकाच्या नातेवाईक महिलेशी फिर्यादीचे प्रेमसंबंध असल्याच्या संशयातून आरोपींनी फिर्यादीला शिवीगाळ करीत मारहाण करून जखमी केले.