पुणे : मुख्यमंत्री (uddhav thackeray) पूरग्रस्त भागाच्या दौऱ्यावर आहे. यामुळे समाविष्ट २३ गावांसह पीएमआरडीए (PMRDA) हद्दीच्या प्रारूप विकास आराखड्यास मान्यता देण्यासाठी बोलविण्यात आलेली पुणे महानगर नियोजन समितीची बैठक पुन्हा पुढे ढकलली गेली आहे. यामुळे पीएमआरडीएचा (PMRDA) विकास आराखडा लांबणीवर पडला आहे. पुढील आठवड्यात आता ही बैठक होण्याची शक्यता आहे. (PMRDA DP on extension)

मुख्यमंत्र्यांच्या अध्यक्षतेखाली स्थापन करण्यात आलेल्या पुणे महानगर नियोजन समितीची पहिली बैठक सोमवारी (ता. २६) बोलविण्यात आली होती. या बैठकीत २३ गावांसह पीएमआरडीए हद्दीच्या प्रारूप विकास आराखड्यास मान्यता देण्याची शक्यता व्यक्त केली जात आहे. मात्र, गेल्या आठवड्यात निर्माण झालेल्या पूरपरिस्थितीच्या पाहणीसाठी मुख्यमंत्री आणि उपमुखमंत्री पश्‍चिम महाराष्ट्राच्या दौऱ्यावर आहे. यामुळे ही बैठक होऊ शकली नाही. परंतु, नगर विकास मंत्री शशिकांत शिंदे यांच्या समावेत समितीच्या सदस्यांची बैठक झाली. या बैठकीत पीएमआरडीएकडून तयार केलेल्या विकास आराखड्याचे सादरीकरण करण्यात आले. त्यानंतर पुढील आठवड्यात पुन्हा बैठक बोलविण्याचा निर्णय घेण्यात आला असल्याचे अधिकाऱ्यांनी सांगितले.