भोर (पुणे) : छत्रपती शिवाजी महाराजांनी शपथ घेतलेल्या रायरेश्वरावर शंभूमहादेवाचे दर्शन घेण्यासाठी आज श्रावणी सोमवारमुळे पर्यटकांबरोबर भाविकांनीही गर्दी केली. किल्ल्याच्या पायथ्याशी शिडीजवळ पर्यटकांच्या अनेक दुचाकी व मोटारी उभ्या होत्या. पोलिस आल्याची माहिती मिळताच पर्यटकांनी पोबारा केला आणि पोलिसांना कारवाईविनाच परतावे लागले. 

एमपीएससी टाकतेय कात, लवकरच येणार अॅप

भोर व वाई (जि. सातारा) तालुक्यातील शेकडो पर्यटक आणि भाविक रायरेश्वरावर आले होते. लॉकडाउनमुळे तालुक्यातील पर्यटनक्षेत्र आणि किल्यांवर फिरण्यास बंदी आहे. परंतु, अनेकांकडून याकडे दुर्लक्ष होत आहे. आणि तालुक्याच्या भौगोलिक परिस्थितीमुळे प्रशासनास कारवाई करण्यास उशीर होतो. भोर तालुक्यातील आंबवडे खोऱ्यातील गावांमधील तरुण-तरुणींनी रायरेश्वरावर जाऊन वनभोजन करण्याची तयारी केली होती. काहींनी जेवण बनविण्याचे सर्व साहित्यही सोबत नेले होते. रविवारी (ता. २६) रायरेश्वरावर पर्यटक आले असल्याची माहिती भोर पोलिसांना मिळाली होती. त्यामुळे सोमवारी सोशल डिस्टनसिंग न पाळणाऱ्या व मास्कचा वापर न करणाऱ्यांवर पोलिस कारवाई करण्याच्या तयारीत होते. परंतु, दुपारी बाराच्या सुमारास पोलिस कारवाई करण्यासाठी रायरेश्वराकडे निघाले असल्याची खबर काही पर्यटकांना मिळाली. त्यामुळे पोलिस पोहोचण्यापूर्वीच अनेक हौशी पर्यटक गायब झाले. पोलिस तेथे गेल्यावर त्यांना केवळ दोन- चार मोटारीतून आलेले पाच-सहा पर्यटक आढळून आले. त्यामुळे पोलिसांची निराशा झाली. 

पुण्याच्या आणखी बातम्या वाचण्यासाठी येथे क्लिक करा

वाईवरून येणाऱ्या पर्यटकांची संख्या जास्त होती. लॉकडाउनमुळे तालुक्यात पुण्या- मुंबईहून गावी आलेल्यांची संख्या भरपूर म्हणजे लाखाच्या घरात आहे. गावाकडे फारसा कामधंदा नसल्यामुळे ते इतरत्र फिरत असतात. त्यांच्यासोबत गावातील काही तरूणही सामील होतात. यामध्ये काही पोलिस मित्रांचाही समावेश आहे. पोलिस कारवाई करण्यासाठी येणार असल्याची माहितीही त्यांना लगेचच मिळते. त्यामुळे कारवाई होण्यास विलंब होतो.