पुणे - अटकपूर्व जामीन मिळवून देण्यास मदत करण्यासाठी ५० हजार रुपयांची लाच स्वीकारणाऱ्या बारामती पोलिस ठाण्याच्या पोलिस उपनिरीक्षकासह पोलिस शिपायाला लाचलुचपत प्रतिबंधक विभागाच्या (एसीबी) अधिकाऱ्यांनी अटक केली. या प्रकरणी बारामती पोलिस ठाण्यात दोघांविरुद्ध लाच स्वीकारल्या प्रकरणी गुन्हा दाखल केला आहे.
पोलिस उपनिरीक्षक बाळासाहेब भीमराव जाधव (वय ५४), पोलिस शिपाई अजिंक्‍य लहू कदम (वय २८) असे ‘एसीबी’च्या पथकाने ताब्यात घेतलेल्यांची नावे आहेत.
अधिकाऱ्यांनी दिलेल्या माहितीनुसार, तक्रारदार यांच्या भावाच्याविरुद्ध बारामती पोलिस ठाण्यामध्ये गुन्हा दाखल आहे. संबंधित गुन्ह्यामध्ये जाधव व कदम यांनी तक्रारदारास अटकपूर्व जामीन मिळवून देण्यासाठी एक लाखाची मागणी केली. त्यानंतर त्यांच्यामध्ये ५० हजार रुपयांमध्ये तडजोड झाली. दरम्यान, तक्रारदार यांना लाच देणे योग्य न वाटल्याने त्यांनी या प्रकरणी ‘एसीबी’कडे तक्रार केली. तक्रारीची दखल घेऊन ‘एसीबी’ने त्याची पडताळणी केली. त्यानंतर सोमवारी बारामती ठाण्यामध्ये सापळा रचून दोघांना अटक केली. त्यांच्याविरुद्ध गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.