पुणेः पुण्यातील नवले पुलावर नेहमीच अपघाताच्या घटना घडत असतात. यापूर्वीच्या अपघातात दुर्दैवी घटना घडलेल्या आहेत. शनिवारीही एक अपघात झाला. यामध्ये चार वाहनांचं मोठं नुकसान झालेलं आहे.

नवले पुलाजवळ शनिवारी दुपारच्या दरम्यान घडलेल्या घटनेत एका टँकरने तीन ते चार वाहनांना धडक दिली. टँकरचा ब्रेक फेल झाल्याने ही घटना घडल्याचं सांगण्यात येत आहे.

अपघातामध्ये वाहनांचं मोठं नुकसान झालं आहे. सुदैवाने या दुर्घटनेत जीवितहानी झालेली नाही. अपघातानंतर काही काळ वाहतुकीचा खोळंबा झाला होता. आता पुन्हा वाहतूक सुरळीत झाली आहे.

अपघातानंतर काही काळ पोलिसही चक्रावून गेले होते. नेमका कसा अपघात झाला, हे उमगत नव्हतं. त्यानंतर पोलिसांनी अपघातग्रस्त वाहनं बाजूला केली. घटनेत कुणालाही गंभीर दुखापत झालेली नाही.