कोंढवा : कात्रजकडून कोंढाव्याकडे जाणाऱ्या कंटेनर व स्पोर्ट बाईकमध्ये झालेल्या अपघातात मागच्या चाकाखाली येऊन एक अज्ञात युवक जागीच ठार झाल्याची घटना शनिवारी रात्री साडे अकराच्या सुमारास घडली. कात्रज-कोंढवा रोडवर परामाउंट इरोस सोसायटीसमोर हा अपघात झाला.

घटनास्थळी तात्काळ भारती विद्यपीठचे पोलिस कर्मचारी हजर झाले. अपघातातील वाहने बाजूला करत वाहतूक सुरळीत करण्यात आली. पावसामुळे कात्रज-कोंढवा रस्त्यावरील खड्डे व साईड पट्ट्यावर झालेल्या चिखलाने दुचाकी स्लिप होऊन अपघात घडला असल्याचे प्रत्यक्षदर्शीनी सांगितले. पुढील तपास भारती विद्यापीठ पोलिस करत आहेत.