पुणे - नदीकाठ सुधार योजनेत नदी काठावरील हजारो झाडे तोडली जाणार असल्याने याविरोधात पुण्यातील अनेक पर्यावरण प्रेमी संस्था, संघटना व नागरिकांतर्फे उद्या (ता. २९) चिपको आंदोलन केले जाणार आहे. यामध्ये नागरिकांनी सहभागी व्हावे असे आवाहन आज पत्रकार परिषदेत करण्यात आले.

छत्रपती संभाजी उद्यान ते डेक्कन जिमखाना पीएमपी बस थांबा, तेथून नदी काठच्या रस्त्याने गरवारे पुलापर्यंत फेरी काढली जाणार आहे. तेथे असलेल्या झाडांना आलिंगन देऊन झाडे तोडू नका असे आवाहन महापालिका प्रशासनाला केले जाणार आहे.

असे प्रियदर्शिनी कर्वे यांनी पत्रकार परिषेदत सांगितले यावेळी. पुणे महापालिकेच्या स्वच्छ सर्वेक्षणाचे ब्रॅण्ड ॲबेसेटर सत्या नटराजन, अमित सिंग, संजय ललवानी, कल्याण माने यावेळी उपस्थित होते.

नदीकाठ सुधार योजनेत अनेक झाडे तोडली जाणार आहेत. वृक्ष तोडण्याचा प्रस्तावावरील वृक्षांची संख्या आणि प्रत्यक्षात तोड केल्या जाणाऱ्या झाडांची संख्या यात तफावत आहे. नदीकाठची परिसंस्था यामुळे धोक्यात येणार आहे. प्रशासनाने बाजू समजून घेणे आवश्‍यक आहे. पण त्याऐवजी प्रकल्पाची अंमलबजावणी करण्याची घाई लागली आहे. त्याविरोधात उद्याचे आंदोलन होत आहे, असे नटराजन यांनी सांगितले.