पुणे : कोरोनाचा प्रादुर्भाव वाढू नये, म्हणून पुणे शहरात कलम १४४ लागू करण्यात येणार आहे. गणेशोत्सवाच्या पार्श्वभूमीवर हा निर्णय घेण्यात आला असून उद्यापासून (ता. 10) जमावबंदीचा आदेश लागू असेल, तर 10 सप्टेंबर ते 19 सप्टेंबर या कालावधीत कलम 144 लागू करण्यात येईल. दरम्यान, याबाबतचे आदेश नुकतेच पुणे शहर पोलीस सहाय्यक आयुक्त डॉ. रविंद्र शिसवे यांनी जारी केले आहेत.

कोरोनाला रोखण्यासाठी १४४ कलम लागू करण्याचा निर्णय प्रशासनाने घेतला असून पोलीस आयुक्तालय हद्दीत उत्सव कालावधीत कोणत्याही रस्त्यात अथवा सार्वजनिक ठिकाणी, मंडळासमोर ज्वालाग्रही (रॉकेल, डिझेल, गॅस, पेट्रोल) पदार्थाच्या साह्याने आगीचे लोळ निर्माण करण्यास किंवा हवेत सोडण्यास मनाई करण्यात आली आहे. १० ते १९ सप्टेंबरपर्यंत हे आदेश लागू राहणार आहे. याचे उल्लंघन केल्यास कारवाई करण्यात येणार असल्याचा इशारा पुणे पोलीस सहाय्यक आयुक्त डॉ. शिसवे यांनी दिला.