Murder: खामगाव तालुका दौंड येथील वर्दळीच्या मुख्य गाडीमुळे चौकामध्ये सुरज भुजबळ या युवकाचा खून झाला आहे. सदर घटना शनिवार दिनांक ३ रोजी सायंकाळी ५.०० वाजता सुमारास घडली.

सुरज याचे गाडीमोडी चौकामध्ये कपड्याचे दुकान आहे. दुकानांमध्ये सुरज बसला असता मारेकऱ्यांनी अचानक दुकानांमध्ये प्रवेश केला. सोबतच्या कोयत्याच्या साह्याने त्याच्या मानेवरती वार केले. काही समजण्याच्या आतच सुरज धारातीर्थी पडला. सुरजने आरडाओरडा केल्यानंतर मारेकरी पळुन गेले.

त्यानंतर अवघ्या काही मिनिटांमध्ये हजारोंच्या संख्येने ग्रामस्थ चौकामध्ये जमा झाले. यवत पोलीसांना माहिती कळताच पोलीस घटनास्थळी दाखल झाले. यावेळी सुरजच्या आईने मारेकऱ्यांना हजर करा तरच मृतदेहाला हात लावा अशी भूमिका घेतली. काही वेळानंतर जमावाला पांगवुन पोलिसांनी परिस्थिती नियंत्रणाखाली आणली.