पुणे : पुण्यात रात्री उशीरा सुरु असलेले पब्ज दोन दिवसांपूर्वी एका भीषण अपघाताला आणि दोन तरुणांच्या मृत्यूला कारणीभूत ठरले आहेत. यावरुन सध्या राज्यभरात मोठा संताप व्यक्त होत आहे. यामध्ये पोलिसांच्या कारवाईवरही प्रश्नचिन्ह उपस्थित केलं जात आहे. यापार्श्वभूमीवर पुण्याचे पोलीस आयुक्त अमितेश कुमार यांनी पत्रकार परिषद घेत दोन दिवसांत पुण्यातील पब्ज संदर्भात नवीन धोरण आणणार असल्याचं जाहीर केलं. (Pune new pub policy will be brought in two days announced by Commissioner of Police Amitesh Kumar)

पत्रकार परिषदेत पोलीस आयुक्त अमितेश कुमार म्हणाले, "अपघातप्रकरणी जर कोणाचे काही आक्षेप असतील, आरोप असतील तर त्यावर माझी कोणाशीही जाहीर चर्चा करण्याची तयारी आहे. पुण्यातील पब संर्दभात दोन दिवसांत नवीन धोरण तयार करणार आहोत, त्यावर आम्ही सध्या काम करत आहोत. पोलिसांकडून पुण्यातील 'पब्ज'ला वेसन घालण्यासाठी हलचाली सुरु करण्यात आल्या आहेत"