कोथरूड - कोथरूडमधील गुजरात कॉलनी चौकात मेट्रोच्या मार्गावर मधमाश्यांनी पोळे बांधले आहे. यापूर्वीही या मार्गावर दहापेक्षा जास्त पोळी उभारलेली होती. त्या संदर्भात ‘सकाळ’मध्ये बातमी आल्यावर मेट्रोने ती पोळी हटविली. आता पुन्हा या मार्गावर मधमाश्यांची पोळी दिसतात.

शिवतीर्थनगर येथे राहणाऱ्या बेबी शिंदे म्हणाल्या, ‘‘कोथरूडच्या वर्दळीच्या मार्गावर मधमाश्यांचे हे पोळे असून या माश्या भडकल्यास तर वाहनचालक व परिसरातील नागरिकांवर हल्ला करू शकतात. म्हणून या मधमाश्यांचा बंदोबस्त करावा, अशी आमची मागणी आहे.’’