घोरपडी : जागतिक पर्यावरण दिनानिमित्त पुणे महानगरपालिकेच्या वतीने प्लाॅगेथाॅन आयोजित करण्यात आला होता. ढोले पाटील क्षेत्रीय कार्यालय अंतर्गत बी.टी कवडे रोड येथे या उपक्रमाला सुरुवात झाली तर अनंत थिएटर येथे समारोप करण्यात आला. या उपक्रमाअंतर्गत उपस्थित लोकांनी परिसरात कचरा,प्लॅस्टिक गोळा करून स्वच्छता केली.

यावेळी प्लाॅगेथाॅनला मराठी चित्रपट अभिनेते सौरभ गोखले उपस्थित होते. आरोग्य निरीक्षक संदीप रोकडे, राजेश गायकवाड, योगेश घोडके, इतर मान्यवर उपस्थित होते.यावेळी सर्वांनी आपला परिसर स्वच्छ ठेवण्यासाठी शपथ घेतली.