टाकळी हाजी, ता. २ : पिंपरखेड (ता. शिरूर) येथील विविध विकासकामांच्या मुद्द्यांवरून झालेली ग्रामसभा वादळी ठरली. यामधे सरपंच, उपसरपंच व सदस्यांच्या राजीनामा घेण्याचा ठराव मंजूर करण्यात आला.
पिंपरखेड येथील मारुती मंदिरामध्ये ग्रामसभा पार पडली. यावेळी सरपंच राजेंद्र दाभाडे अध्यक्षस्थानी होते. यावेळी उपसरपंच विकास वरे, ग्रामसेवक आशिष भागवत यांच्यासह ग्रामपंचायत सदस्य व ग्रामस्थ उपस्थित होते.
या सभेमध्ये ग्रामस्थांनी सरपंच, उपसरपंच व सदस्य यांच्यामध्ये एकमत नसल्यामुळे विकासकामांवर त्याचा परिणाम होत आहे. सर्व सदस्यांनी राजीनामा देण्याचा ठराव ग्रामसभेत मंजूर करण्यात आला. तसेच गावात गेली वर्षभरात केलेल्या कामांच्या खर्चाचा ठरावही नामंजूर करण्यात आला. याबाबत सरपंच राजेंद्र दाभाडे म्हणाले, ‘‘गावात कोणताही कामात भ्रष्टाचार झाला नसून अत्यंत चांगल्या प्रकारचे काम केलेली आहेत. काही चुकीचे काम झाले असल्यास कोणीही ते दाखवून द्यावे. मी केलेल्या कामाचा लेखाजोखा देण्यास तयार असून राजीनामा देण्याचा प्रश्न येत नाही.’’
THJ24A00182
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.