पुणे - सातबारा उताऱ्यावर नोंद करण्यासाठी शेतकऱ्याकडे ८० हजार रुपयांची लाच मागितल्याप्रकरणी एका मध्यस्थ व्यक्तीविरुद्ध लोणी काळभोर पोलिस ठाण्यात गुन्हा दाखल करण्यात आला आहे. या मध्यस्थ व्यक्तीने थेऊरच्या तत्कालीन मंडल अधिकाऱ्यासाठी लाचेची मागणी केल्याचे तपासात समोर आले आहे.
लाचलुचपत प्रतिबंधक विभागाच्या (एसीबी) पुणे विभागाने ३१ मार्च रोजी ही कारवाई केली. विजय सुदाम नाईकनवरे (रा. नागपूर चाळ, येरवडा) असे गुन्हा दाखल झालेल्या मध्यस्थाचे नाव आहे.
याबाबत ‘एसीबी’चे पोलिस उपअधीक्षक नितीन जाधव यांनी दिलेल्या माहितीनुसार, ६५ वर्षीय तक्रारदार शेतकऱ्याची कोलवडी (ता. हवेली) येथे शेतजमीन आहे. या शेतजमिनीची सातबारा उताऱ्यावर नोंद आणि फेरफार मंजूर करण्यासाठी विजय नाईकनवरे याने थेऊरच्या मंडल अधिकाऱ्यासाठी शेतकऱ्याकडे ८० हजार रुपयांची मागणी केली. परंतु याबाबत शेतकऱ्याने लाचलुचपत प्रतिबंधक विभागाच्या कार्यालयात तक्रार दिली.
‘एसीबी’च्या अधिकाऱ्यांनी तक्रारीची पडताळणी केली. त्यात नाईकनवरे याने मंडल अधिकाऱ्यासाठी लाच मागितल्याचे निष्पन्न झाले. त्यावरून नाईकनवरे याच्याविरुद्ध लोणी काळभोर पोलिस ठाण्यात गुन्हा दाखल केला आहे.
‘एसीबी’चे पोलिस अधीक्षक अमोल तांबे आणि अतिरिक्त पोलिस अधीक्षक डॉ. शीतल जानवे यांच्या मार्गदर्शनाखाली ही कारवाई करण्यात आली. पुढील तपास पोलिस निरीक्षक श्रीराम शिंदे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.