Pune Lok Sabha 2024: आगामी लोकसभा निवडणुकीसाठी भाजपने कंबर कसली आहे. भाजपे दिल्लीत सर्व राज्यातील प्रमुख अध्यक्षांची बैठक घेतली. या बैठकीत पंतप्रधान नरेंद्र मोदी यांनी पदाधिकाऱ्यांना संबोधित केले. आगामी लोकसभा निवडणुकीच्या विजयासाठी भाजपच्या कार्यकर्त्यांनी पंचसूत्रांचा उपयोग करावा, असे निर्देश पंतप्रधान नरेंद्र मोदी यांनी दिले. 

दरम्यान भाजप नेत्यांनी जोरदार तयारी सुरु केली आहे. पक्षाने संधी दिल्यास पुणे लोकसभा निवडणूक लढवणार, अशी घोषणा भाजप नेते सुवील देवधर यांनी केली आहे. पुणे लोकसभेसाठी इच्छुक असल्याचे देवधर म्हणाले.

भाजप नेते सुनील देवधर यांनी पुण्यात भेटीगाठी वाढवल्या आहेत. आगामी लोकसभा निवडणुकीसाठी त्यांचे नाव चर्चेत आहे. दरम्यान त्यांनी आज पुणे लोकसभा निवडणूक लढवण्यास इच्छुक असल्याचे म्हटले आहे.

सुनिल देवधर म्हणाले,  नरेंद्र मोदी तिसऱ्यांदा प्रचंड बहुमताने पंतप्रधान बनतील ही आम्हा सर्वांना खात्री आहे.

पुण्यात राहून देशाचं राजकारण करायचं का? यावर सुनिल देवधर म्हणाले, एक गोष्टी नक्की आहे पक्षाने संधी दिली तर आम्ही पक्षासाठी काहीही करायला तयार असतो. जनतेचं राजकारण करायला मला आवडेल. लोकसभेसाठी संधी दिली तर मी नाही म्हणणार नाही.