पुणे, ता. १३ : जागतिक थॅलसेमिया दिनानिमित्त, इंडियन सोसायटी ऑफ ब्लड ट्रान्सफ्युजन अँड इम्युनोहेमॅटोलॉजी, महाराष्ट्र चॅप्टर आणि सह्याद्री हॉस्पिटल्स ब्लड बँक यांच्यावतीने थॅलसेमिया जनजागृती वॉकेथॉन आणि वैद्यकीय शिक्षण सत्राचे आयोजन करण्यात आले.
या उपक्रमात ५० हून अधिक थॅलसेमिया रुग्ण, १५० पेक्षा अधिक रक्‍तपेढी कर्मचारी, वैद्यकीय अधिकारी, स्वयंसेवक आणि पुण्यातील नागरिकांनी उत्स्फूर्त सहभाग नोंदवला. कार्यक्रमाची सुरवात थॅलसेमिया बाधित मुलांच्या हस्ते केक कापून करण्यात आली. या कार्यक्रमाला गिरीश हुकरे, डॉ. दिलीप वाणी, डॉ. पूर्णिमा राव आदी मान्‍यवरांनी हजेरी लावली.