पुणे ः उन्हाळ्यात घरात उकाडा असल्याने एक ज्येष्ठ नागरिक घरासमोरील मोकळ्या जागेत उशाला एक लाख पाच हजार रुपयांची रोकड घेऊन झोपला. मात्र, चोरट्याने उशाखालील रक्कमही चोरुन नेल्याचा प्रकार उघडकीस आला.
ही घटना मंगळवारी रात्री कोंढवा खुर्द येथील टिळेकरनगर परिसरात घडली. याप्रकरणी पांडू खटरावत (वय ४५, रा. टिळेकरनगर, येवलेवाडी) यांनी कोंढवा पोलिस ठाण्यात फिर्याद दिली.
पोलिसांनी दिलेल्या माहितीनुसार, खटरावत हे गवंडी काम करतात. ते कुटुंबीयांसह येवलेवाडीतील टिळेकरनगरमध्ये राहायला आहेत. काही दिवसांपूर्वीच त्यांना कामाचे एक लाख रुपये मिळाले होते.
दरम्यान, दोन दिवसांपासून शहरात उकाडा वाढल्याने ते घराबाहेरील मोकळ्या जागेत झोपत होते. मंगळवारी मध्यरात्री त्यांनी त्यांच्याकडील एक लाख रुपयांची रक्कम असलेली पिशवी उशाखाली ठेवून ते झोपी गेले. सकाळी झोपेतून उठल्यानंतर त्यांची पैशांची पिशवी कोणीतरी चोरुन नेल्याचे त्यांच्या लक्षात आले. त्यानंतर त्यांनी पोलिस ठाण्यात फिर्याद दिली.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.