पुण्यातील टिळक रस्त्यावरील हिराबाग चौक परिसरात मंगळवारी रात्री एका मद्यधुंद तरुणीने धिंगाणा घातला. दारुच्या नशेत तरुणीने रस्त्यावरील वाहतूक अडवण्याचा प्रयत्न केला. ही तरुणी चक्क रस्त्यावर लोळत होती. तिचा हा ड्रामा बराच वेळ सुरु राहिला. येथील काही नागरिकांनी याप्रकरणाची माहिती पोलिसांनी दिली. पोलिसांनी तत्काळ घटनास्थळी येत तरुणीची समजूत काढल्याचं समजतं. मात्र, या घटनेचा व्हिडिओ पुण्यात सोशल मीडियावर व्हायरल झाला आहे.

मंगळवारी रात्री साडेदहाच्या सुमारास हिराबाग चौक परिसरात मद्यधुंद अवस्थेतील तरुणी टिळक रस्त्यावर उभं राहून वाहतूक रोखण्याचा प्रयत्न करत होती. यानंतर ती रस्त्यावर झोपलीही. माझ्या अंगावरून गाडी न्या, असं तरुणी यावेळी ओरडत होती. काहींनी तिला रस्त्यावरून बाजूला जाण्यासाठी विनंती केली, पण ती कुणाचेही ऐकण्याच्या स्थितीत नव्हती.

तरुणीच्या या झिंगाट कृतीने रस्त्यावर बघ्यांची गर्दी झाली होती. यामधील काही लोकांनी याची पोलिसांनी माहिती दिली. पोलिसांनी तिची समजूत काढत रस्त्याच्या बाजूला काढलं अन् पोलिस स्थानकात घेऊन गेले.