आंबेठाण,ता. १५: गावांच्या राजकीय संघर्षात लक्ष न देता सर्वांना विकासाच्या प्रक्रियेत बरोबर घेतल्यामुळे आपण ग्रामीण विकासातील अग्रेसर गावे निर्माण करू शकलो, असे मत जिल्हा परिषद सदस्य शरद बुट्टे पाटील यांनी करंजविहिरे (ता.खेड) येथे व्यक्त केले. 
जिल्हा परिषद निधीतून होत असलेल्या पाणीपुरवठा योजना, प्राथमिक आरोग्य केंद्र निवासस्थान इमारत व परिसर सुधारणा, सभामंडप भूमिपूजन, ग्रामपंचायत कार्यालयाचे उदघाटन कार्यक्रमात ते बोलत होते.
   यावेळी पंचायत समितीचे सदस्य चांगदेव शिवेकर यांनी शरद बुट्टे पाटील यांनी विकासाची दिशा दिल्याने चांगले काम करू शकल्याचे सांगितले. यावेळी आंबेठाणचे माजी सरपंच दत्तात्रेय मांडेकर, देविदास बांदल यांचीही भाषणे झाली. यावेळी सरपंच सुदाम कोळेकर, गणपत कोळेकर, शांताराम कोळेकर, सयाजी कोळेकर, अर्चना बोऱ्हाडे, बाळासाहेब शिवेकर, सतीश कोळेकर, सविता शिवेकर, अनिता कोळेकर, सारिका भोसले, बाळासाहेब मरगज, पोलिस पाटील सचिन मरगज, रामदास कोळेकर, श्रीपती कोळेकर, रामदास शिंदे, रमेश कोळेकर आदी यावेळी उपस्थित होते.