आळेफाटा, ता. १२ ः आळे (ता.जुन्नर) येथील विशाल जुन्नर सेवा मंडळ, विशाल इन्स्टिट्यूट ऑफ फार्मासियूटिकल एज्युकेशन ॲण्ड रिसर्च या महाविद्यालयात लैंगिक शिक्षण, रॅगिंग प्रतिबंध यासारख्या संवेदनशील विषयांवर मार्गदर्शनपर व्याख्यान आयोजित करण्यात आले होते. या कार्यक्रमासाठी प्रमुख पाहुणे म्हणून आळेफाटा पोलिस स्टेशनचे पोलिस निरीक्षक यशवंत नलावडे हे उपस्थित होते. याप्रसंगी संस्थेचे विशेष कार्यकारी अधिकारी डॉ. डी. डी. गायकवाड, डॉ. थोरात, प्रा. जाधव आदी मान्यवर उपस्थित होते. या प्रसंगी पोलिस निरीक्षक नलावडे यांनी विद्यार्थ्यांना विविध विषयावर मार्गदर्शन केले. कार्यक्रमाचे सूत्रसंचालन प्रा. चिंचवडे यांनी केले तर आभार प्रा. सोनाली पवार यांनी उपस्थित मान्यवरांचे आभार मानले. या कार्यक्रमासाठी संस्थेचे अध्यक्ष व संचालक मंडळाचे विशेष सहकार्य लाभले.