भुकूम, ता. ३ : मुळशी तालुक्यातील माध्यमिक व प्राथमिक शाळेतील विद्यार्थ्यांना खासदार सुप्रिया सुळे यांच्या वाढदिवसानिमित्त बारा हजार वह्यांचे वाटप केले. पक्षाचे तालुकाध्यक्ष व माजी सभापती महादेव कोंढरे यांच्या पुढाकाराने या वह्यांचे वाटप केले.

मुठा खोऱ्यातील वह्या वाटपाचा मुख्य कार्यक्रम आंदगाव हायस्कूलमध्ये घेण्यात आला. आंदगाव येथे सुप्रिया सुळे यांच्या प्रयत्नातून नव्याने इमारत बांधून महाविद्यालय सुरू करण्याबाबत प्रयत्न करणार असल्याचे कोढांरे यांनी यावेळी सांगितले.
यावेळी राम गायकवाड, सरपंच प्रफुल्ल मारणे, उपसरपंच शिवाजी झुंझुरके, कैलास मारणे, अनिल आटोळे, बंडू झुंझुरके, माऊली गायकवाड, विठ्ठलराव गुजर, लाला मारणे, तेजस जोगावडे आदी उपस्थित होते. मुख्याध्यापक एस. सावंत व मंगेश आव्हाड यांनी प्रास्ताविक केले.