माले, ता. १२ : मुळशी तालुका राष्‍ट्रवादी कॉंग्रेस पक्षाच्या (अजित पवार गट) अध्‍यक्षपदी निवे येथील सरपंच अंकुश पांडुरंग मोरे यांची नियुक्ती केली.
राष्‍ट्रवादीचे प्रदेशाध्‍यक्ष सुनील तटकरे, महिला आयोगाच्‍या अध्‍यक्षा रूपाली चाकणकर, प्रदेश उपाध्‍यक्ष सुरेश घुले, जिल्‍हाध्‍यक्ष प्रदीप गारटकर यांच्‍या हस्‍ते मोरे यांना नियुक्तीचे पत्र देण्‍यात आले. या वेळी पक्षाचे नेते राजेंद्र हगवणे, जिल्हा दूध संघाचे संचालक कालिदास गोपालघरे व चंद्रकांत भिलारे, भगवान नाकती, विनोद कंधारे, माउली कांबळे, अनंता कंधारे, चंदा केदारी, माजी सभापती कोमल वाशिवले, विजय कानगुडे, आनंदा घोगरे, बबन धिडे, लक्ष्‍मण कंधारे, विजय येनपुरे, रामचंद्र कंधारे, सागर हुलावळे, उपसरपंच नंदू शिंदे, सुनील गाउडसे आदी उपस्थित होते.
मोरे यांनी यापूर्वी मुळशी तालुका राष्ट्रवादी काँग्रेसचे कार्याध्यक्षपदावर काम केले आहे. ‘तालुक्‍यात पक्षवाढीसाठी प्रयत्‍न करणार असून, उपमुख्‍यमंत्री अजितदादा पवार यांच्‍या माध्‍यमातून मुळशीत विकासकामांसाठी मोठया प्रमाणात निधी आणणार आहे,’ असे त्यांनी सांगितले.