पुणे, ता. ४ ः नॅशनल ॲकॅडमी ऑफ डिफेन्स फायनान्शिअल मॅनेजमेंट (एनएडीएफएम), पुणे यांच्या वतीने स्वातंत्र्याच्या अमृत महोत्सवाचा भाग म्हणून नुकतेच सिंहगड किल्ल्यावर स्वच्छता आणि ट्रेकिंग मोहिमेचे आयोजन करण्यात आले होते. या प्रसंगी ॲकॅडमीचे संचालक आनंद अग्रवाल यांच्या मार्गदर्शनाखाली ‘एनएडीएफएम’चे सर्व कर्मचारी सहभागी झाले होते. या वेळी ट्रेकिंग मार्गावरील परिसरात स्वच्छता मोहीम राबविण्यात आली. तसेच गडावरील छोट्या दुकानदारांना स्वच्छता साहित्याचे वाटपही करण्यात आले. ऐतिहासिक वास्तूच्या संवर्धनाचा संदेश देत गडावरील उपस्थित नागरिकांमध्येही गड स्वच्छ ठेवण्याबाबत जनजागृती करण्यात आली.