पुणे, ता. ३० : भारतीय बौद्ध महासभा पुणे यांच्या वतीने आयोजित केलेल्या वर्षावास प्रवचन मालिकेचे उद्‍घाटन माजी उपमहापौर सिद्धार्थ धेंडे व महासभेचे विश्वस्त अध्यक्ष के. बी. मोटधरे यांच्या हस्ते झाले. कार्यक्रमाची सुरुवात समता सैनिक दलातर्फे मानवंदना देण्यात आली. प्रस्ताविक संदीप सोनवणे यांनी केले. कार्यक्रमात अध्यक्ष दिलीप धाईंजे, एन. जी. शिंदे, रोहिणी वनशिव, सुभाष आल्हाट, संतोष मोरे आदींची प्रवचने झाली. सूत्रसंचालन राजकुमार गायकवाड यांनी केले. यावेळी अप्पा कांबळे, डॉ. सुरेश कठाणे, अशोक गायकवाड, अनिल कांबळे, मिलिंद सोनकांबळे उपस्थित होते. राजेश माने आभार यांनी मानले.